Biełaruskija valejbalistki vyjšli ŭ płej-of junijorskaha čempijanatu śvietu
Biełaruskija valejbalistki sastupili Rasii ź likam 0:3 (25:18, 25:20, 25:19) u zaklučnym matčy papiaredniaha etapu junijorskaha čempijanatu śvietu, jaki prachodzić u Arhiencinie, paviedamlaje karespandent BiełTA.
Dla biełaruskaj kamandy minuły matč staŭ čaćviortym zapar za čatyry dni. Nazapašanaja stoma adbiłasia na hulni padapiečnych Natalli Mielaniuk. Rasijanki ŭpeŭniena dziejničali na padačy miača i błakavali ataki lidaraŭ biełarusak Hanny Hryškievič (11 ačkoŭ) i Viery Kaściučyk (7 ačkoŭ).
Paśla čatyroch matčaŭ zbornaja Biełarusi ŭ hrupie V zajmaje druhoje miesca: 1. Rasija - 3 pieramohi (3 matčy). 2. Biełaruś - 3 (4). 3. Brazilija - 1 (2). 4. ZŠA - 0 (2). 5. Mieksika - 0 (2).
Čatyry najlepšyja kamandy z hrupy vychodziać u płej-of čempijanatu śvietu.
U płej-of, jaki startuje 23 žniŭnia, biełaruski zhulajuć z adnoj z kamand hrupy A. Tut vystupajuć Arhiencina, Hiermanija, Respublika Kareja, Słavienija i Kuba.
Junijorskaja zbornaja Biełarusi pa valejbole siarod dziaŭčat u druhi raz za apošnija 20 hadoŭ hulaje ŭ finalnaj stadyi čempijanatu śvietu. Hetaha prava biełaruski dabilisia, paśpiachova vystupiŭšy na čempijanacie Jeŭropy ŭ hałandskim Arniemie ŭ krasaviku biahučaha hoda, dzie zaniali treciaje miesca.
Čempijanat śvietu pa valejbole siarod hulcoŭ da 18 hadoŭ prachodzić u arhientynskich haradach Santa-Fie i Rasaryjo. Pieramožca i pryziory turniru vyznačacca 28 žniŭnia.