Iłan Mask: Bajavyja robaty — novaja pahroza čałaviectvu
Hrupa z 116 ekśpiertaŭ i śpiecyjalistaŭ, jakija pradstaŭlajuć 26 krain śvietu, źviarnułasia ŭ AAN z zaklikam ab zabaronie raspracoŭki i prymianieńnia aŭtanomnaj bajavoj zbroi, piša BiełTA.
U liku prośbitaŭ apynulisia kiraŭnik SpaceX Iłan Mask i zasnavalnik kampanii, jakaja zajmajecca raspracoŭkaj štučnaha intelektu DeepMind Mustafa Sulejman.
Niadaŭna ŭ Arhanizacyi Abjadnanych Nacyj pačalisia kansultacyi pa pytańniach dalejšaj raspracoŭki dronaŭ i bieśpiłotnych tankaŭ. Aŭtary zakliku apielujuć da taho, što raspracoŭka i ŭkaranieńnie padobnych sistem paražeńnia budzie supastaŭnaja z vynachodnictvam porachu i jadziernaj zbroi. U vypadku pryjomu na ŭzbrajeńnie bieśpiłotnaj zbroi terminy i maštab viadzieńnia bajavych dziejańniaŭ budzie składana acanić.
Takija pryłady mohuć vykarystoŭvacca suprać mirnaha nasielnictva, a taksama stanuć abjektam padvyšanaj cikavaści z boku chakieraŭ. Usie padpisanty ličać, što rabatyzavanaja zbroja pavinna trapić pad tyja ž zabarony, što i, naprykład, chimičnaja.
U hetaj suviazi Iłan Mask raniej zajaŭlaŭ, što štučny intelekt źjaŭlajecca adnoj z samych vialikich pahroz čałaviectvu i hetaja śfiera pavinna rehulavacca asablivym čynam.
Niekatoryja ŭzory bieśpiłotnaj zbroi ŭžo isnujuć. Nie tak daŭno Samsung pradstaviŭ svajho robata-vartavoha SGR-A1. Insajdary zajaŭlajuć, što jon zdolny samastojna aceńvać uzrovień pahrozy i vyrašać, adkryvać ahoń ci nie. Anałahičnyja prajekty viaduć ZŠA, Kitaj i Rasija.
