12-hadovy Kola Łukašenka za styrnom kambajna «namałaciŭ 5 ton zbožža». Heta zakonna?
12-hadovy Mikałaj Łukašenka, kirujučy kambajnam, namałaciŭ 5 ton zbožža. Pra heta paviedamili ŭ efiry telekanała «Biełaruś 1».
Fota president.gov.by
Jak tłumačycca, miesca kambajniora spačatku zaniaŭ adzin z rabotnikaŭ sielhaspradpryjemstva, a Kola sieŭ pobač. «Praź niekatory čas za styrnom kambajna ŭžo sam Mikałaj. Bunkier kambajna jon papoŭniŭ pieršymi dla siabie 5 tonami zbožža», — raspaviali ŭ tieleefiry.
Što pra takuju situacyju kaža zakanadaŭstva?
Niepaŭnaletnija nie majuć prava kiravać transpartnymi srodkami.
Artykuł 18.19 Kodeksa ab administratyŭnych pravaparušeńniach praduhledžvaje adkaznaść za pieradaču transpartanaha srodku asobam, jakija nie majuć prava kiravańnia. Adpaviedna, rabotnik kałhasa pavinien być aštrafavany na sumu ad 5 da 20 bazavych vieličyniaŭ (115—460 rubloŭ).
Anałahičny štraf za kiravańnie biez pravoŭ nie moža być nakładzieny na 12-hadovaje dzicia. U takim razie da adkaznaści pryciahvajucca jaho baćki.
