Amierykanski advakat Viktoryi Azaranka: Sudździa admoviŭsia pieradavać spravu ŭ Biełaruś
Łaŭra Vasier, amierykanski advakat biełaruskaj tenisistki Viktoryi Azaranka, raspaviała TMZ Sports pra padrabiaznaści spravy ab apiakunstvie nad vaśmimiesiačnaha synam Lea, piša Tut.by.
instagram.com/vichka35
Baćka dziciaci Bili Makih, ź jakim Azaranka rasstałasia ŭ lipieni, źviarnuŭsia ŭ sud Łos-Andželesa, jaki pastanaviŭ, što na čas razhladu spravy ab apiakunstvie Lea nie moža pakidać horad. Miarkujecca, što sud budzie doŭžycca minimum da kastryčnika.
Heta značyć, što Viktoryja vymušana budzie prapuścić US Open ci ž admovicca ad kamunikacyi z synam na čas turniru.
Azaranka prapanavała apłacić Bili Makihu bilet na turnir u Ńju-Jork, a taksama pakryć vydatki na jaho pražyvańnie, ale sudździa adchiliŭ hetuju zajaŭku.
Paźniej ź Biełarusi pastupiła zajaŭka na apiakunstva nad Lea, jakaja była sapraŭdnaj, bo baćki dziciaci majuć hramadzianstva krainy, ale pa nieviadomych pryčynach sudździa admoviŭsia pieradavać spravu ŭ biełaruski sud.
