BT raspaviało, jak Alaksandr Saładucha «sieŭ na špahat» u našumiełym roliku
Alaksandr Saładucha nie sieŭ na špahat u našumiełym roliku. Zamiest jaho truk vykanaŭ kaskadzior. Pra heta raspaviali ŭ siužecie telekanała «Biełaruś 1», jaki vyjšaŭ viečaram u čaćvier, paviedamlaje Tut.by.
Dzianis Błachin
Truk zamiest śpievaka vykanaŭ kaskadzior Dzianis Błachin. U minułym hodzie Dzianis sieŭ na špahat pamiž dvuma BiełAZami, kinuŭšy vyklik Van Damu.
Pa słovach stvaralnikaŭ, meta rolika, u jakim Alaksandr Saładucha nibyta siadaje na špahat, - zrazumieć, ci havorać siońnia ŭ hramadstvie ab kaskadziorach i ci zachoča hladač daviedacca imia hetaha hieroja, jaki vykanaŭ truk.
- Dla hetaha my mantavali [rolik] tak, kab było zrazumieła: u kadry źjaŭlajucca dva roznyja čałavieki. Takim čynam my padšturchoŭvajem [hledača] da razvažańnia. Saładuchu i dublora prosim nam padyhrać i da kanca prajekta nie raskryvać sakretaŭ, — kaža ŭ siužecie žurnalist telekanała.
