U Rasii vyniesienyja z vajskovaj častki rakiety S-200 zdali ŭ mietałałom. Jany vybuchnuli VIDEA
Pra trahiedyju bazie pryjomu mietałałomu ŭ rasijskaj Čycie paviedamili miascovyja śledčyja orhany.
Sprava była tak: nieviadomyja zdali ŭ mietałałom, papiarednie, try rakiety.
Adna ź ich uzarvałasia, kali supracoŭniki pačali rezać mietał — abodva zahinuli, jašče adzin špitalizavany.
Momant vybuchu trapiŭ na rehistratar mašyny, jakaja prajazdžała niepadalok.
Rasijskija ŚMI paviedamlajuć, što na miescy vybuchu znojdzieny častki rakiety ad zienitna-rakietnaha kompleksu S-200 «Anhara».
Jak jany mahli trapić u mietałałom, nie byŭšy niezakonna vyniesienymi ź niejkaj z vajskovych baz, niezrazumieła.
Zienitny kompleks vialikaj dalnaści S-200 pryniaty na ŭzbrajeńnie ŭ 1967 hodzie. Masa askiepkava-fuhasnaj bajavoj častki rakiet, jakija vykarystoŭvajucca ŭ kompleksie, — 217 kiłahramaŭ, ź ich ułasna vybuchovaha rečyva (tracił-hieksahienavaj sumiesi) — 80 kh.
