Kiraŭnik «DNR» Zacharčanka całkam admoviŭsia ad idei Małarosii
Lidar samaabvieščanaj «DNR» Alaksandr Zacharčanka pryjšoŭ da vysnovy, što prajekt «pierafarmatavańnia» Ukrainy ŭ Małarosiju vyklikaŭ cikavaść, ale nie z takoj nazvaj. Pra heta havorycca ŭ aficyjnaj zajavie Zacharčanki, pieradaje Danieckaje ahienctva navin.
Reuters.com
Zacharčanka zajaviŭ, što ŭ «DNR» atrymali «šmat cikavych prapanoŭ» u adkaz na ideju stvaryć Małarosiju, što kaža pra toje, što «dyskusija była raspačata nie darma».
Ale «užo ciapier možna skazać, što nazvy Małarosija nie budzie, bo mnohija pastavilisia da jaje admoŭna», zaŭvažyŭ Zacharčanka.
18 lipienia Zacharčanka zajaviŭ pra zasnavańnie novaj dziaržavy pad nazvaj Małarosija, jakaja budzie pravapierajemnicaj Ukrainy, bo nazva «Ukraina» dyskredytavała siabie. Stalicaj Małarosii byŭ abrany Danieck, a Kijeŭ — historyka-kulturnym centram. U raspracoŭcy prajekta Małarosii ŭdzielničaŭ piśmieńnik Zachar Prylepin, jaki źjechaŭ słužyć na Danbas, dadaje RBK.
«ŁNR» abvierhła udzieł u stvareńni Małarosii. Pres-sakratar Pucina Dźmitryj Piaskoŭ adznačaŭ, što ŭ Maskvie pra hetuju ideju daviedalisia sa ŚMI i nazvaŭ jaje asabistaj inicyjatyvaj Zacharčanki.
Čytajcie taksama: