Chryščacik, seks-šop, deboš u kijeŭskim mietro… U novym klipie «Bumboks» źnialisia akciory Biełaruskaha Svabodnaha teatra
Siońnia ukrainski hurt «Bumboks» prezientavaŭ fanatam adrazu dva klipy na pieśniu «Hoły karol». Vakalist Andrej Chłyŭniuk žartaŭliva nazvaŭ dvajnuju premjeru ich unutranym batłam.
Pieršaja, kancertnaja viersija klipa «Na kilimach» źjaviłasia na aficyjnym jutub-kanale jašče ŭ 10.00.
Pieršaja viersija klipa «Hoły karol».
Paśla prychilniki ź nieciarpieńniem čakali nadychodu viečara, kab ubačyć druhi varyjant «Soram u muziei», hałoŭnymi hierojami jakoha stali akciory Belarus Free Theatre, a taksama Kijeŭ i jaho žychary.
Druhaja viersija klipa «Hoły karol».
Ekśpierymient na miažy fołu — tak koratka možna nazvać sumiesnuju rabotu muzykaŭ i akcioraŭ. U klipie apošnija na ŭsiu moc chulihaniać, słovam, kruta baviać čas. Chacia za ŭsioj hetaj viesiałościu staić napružanaja, šmathadzinnaja praca.
Darečy, klip «Hoły karol» — heta nie pieršy sumiesny prajekt «Bumboksa» i BFT. Raniej jany razam prymali ŭdzieł u hučnym fiestyvali «I'm with the Banned», a ŭ śpiektakli «svabodnych» «Burning Doors» muzyka ŭkraincaŭ źjaŭlajecca paŭnavartasnym stvaralnikam atmaśfiery.
