U Budsłaŭ — na viertalocie: novy farmat pilihrymak u Biełarusi
Ad pačatku maja 2017 hoda achvotnyja naviedać Budsłaŭ i pamalicca kala abraza Maci Božaj Budsłaŭskaj zmohuć palacieć tudy na viertalocie. Žurnalisty Catholic.by ździejśnili probny palot u biełaruski sanktuaryj.
Inicyjataram novaha farmatu pilihrymak stała parafija Śviatych Symona i Aleny ŭ Minsku. U supracoŭnictvie z Respublikanskim Sajuzam turystyčnych arhanizacyj płanujecca pavialičyć zacikaŭlenaść da Budsłava z boku turystaŭ, u pieršuju čarhu zamiežnych.
Zhodna z pastanovaj Savieta Ministraŭ ad 15.12.2016, nasielenyja punkty Budsłaŭ i Žyrovičy vyznačany centrami relihijnaha turyzmu ŭ Biełarusi, tamu padobnyja viertalotnyja pilihrymki płanujecca arhanizavać taksama i ŭ Žyrovičy.
Realizoŭvaje paloty minski aerakłub DTSAAF. U krasaviku adbylisia probnyja paloty pa maršrucie «Aeradom Baravaja — Budsłaŭ». Zamović viertalot dla pilihrymki nieabchodna nie paźniej za try hadziny da płanavanaha času vyletu.
