Paryžski art-dyler zabyŭsia ŭ taksi karcinu koštam 1,5 miljona jeŭra
U Francyi źnikła praca italjanskaha abstrakcyjanista Łuča Fantany, košt jakoj aceńvajecca ŭ 1,5 młn jeŭra. Pra heta paviedamlajuć infarmahienctvy sa spasyłkaj na Le Parisien.
Reuters
Incydent adbyŭsia ŭ Paryžy jašče 27 krasavika. Art-dyler, imia jakoha nie nazyvajecca, spyniŭ taksi, pakłaŭ karcinu Fantany ŭ bahažnik i pajechaŭ na sustreču z kalekcyjanieram. Dabraŭšysia da patrebnaha miesca, jon zabyŭsia zachapić pałatno i adpuściŭ mašynu.
Na praciahu sutak art-dyler sprabavaŭ samastojna znajści taksi, jakoje źviezła karcinu, adnak namahańni nie dali vyniku. Praz sutki jon zdaŭsia i zajaviŭ u palicyju ab kradziažy.
Źnikłaja karcina ŭvachodzić u sieryju Concetto spaziale («Prastoravaja kancepcyja»), nad jakoj Fantana pracavaŭ z 1949 hoda. Jana ŭjaŭlała ź siabie adnakalarovoje pałatno z prarezami i razryvami. U 2008 hodzie aŭkcyjon Sotheby's pradaŭ inšuju pracu hetaj sieryi za 10,32 młn funtaŭ sterlinhaŭ.