U Biełarusi źjaviŭsia ajčynny smartfon z padtrymkaj 4G
Biełaruskaja kampanija Venso vypuściła smartfon Venso Isprit U50 z padtrymkaj 4G. Pra heta paviedamlajecca na sajcie kampanii.
U kamplekcie buduć iści dźvie źmiennyja kryški — zialonaja i aranžavaja, abo siniaja i čornaja.
Što ŭnutry?
Smartfon abstalavany 4-jadziernym pracesaram pa 1,5 Hhc, apieratyŭnaj pamiaćciu ŭ 1 Hb, 5-calevym ekranam z pamieram 1280x720, 8-miehapiksielnaj kamieraj, dźviuma sim-kartami i akumulataram na 3000 mAh. Zadnija kryški vykananyja z prahumavanaha materyjału.
Na samim telefonie prysutničajuć try knopki — dźvie dla rehulavańnia huku i knopka vyklučeńnia. Zamiest hetaha kampanija prapanuje funkcyju Smart Wake — kiravańnie dadatkami telefona pry dapamozie śpiecyjalnaj kamandy na vyklučanym ekranie. Sam smartfon pracuje na Android 5.1 Lollipop.
Kolki kaštuje?
Rekamiendavanaja cana — 179 rubloŭ. U internecie smartfon možna nabyć za 176 rubloŭ.