Afiša Volskaha ŭ mietro nie pravisieła i dvuch dzion FOTAFAKT
Adzin dzień pratrymałasia ŭ minskim mietro rekłama kancerta Lavona Volskaha 8 maja ŭ Vilni — u piatnicu 31 sakavika jaje raźmiaścili na ŭvachodzie na stancyju «Kastryčnickaja», u subotu, 1 krasavika ŭ kancy dnia jaje ŭžo nie było.
«Rekłama była raźmieščana pa ŭsich praviłach — papiaredniaje ŭzhadnieńnie makieta i 100% pieradapłata za dva tydni. Ale ŭviečary 1 krasavika jaje ŭžo nie było. Anałahičnaja situacyja z druhim ščytom na stancyi «Niamiha». Z punktu hledžańnia łohiki situacyja absurdnaja. My budziem damahacca tłumačeńniaŭ», — raspavioŭ arhanizatar kancerta Źmicier Kaśpiarovič.
Sam kancert adbudziecca 8 maja ŭ vilenskim kłubie Vakaris Vilnius. Arhanizatary abiacajuć, što 50 čałaviek, jakija adsiadzieli 10 i bolš sutak za Dzień Voli, zmohuć trapić na kancert biaspłatna.
