Pradstaŭnik PA ABSIE Charsted: Mianie turbujuć aryšty i zapałochvańni ŭ Biełarusi
Kiraŭnik rabočaj hrupy pa Biełarusi Parłamienckaj asamblei ABSIE Kient Charsted vykazaŭ zaniepakojenaść «usio bolš niebiaśpiečnaj atmaśfieraj adnosna demanstracyj, jakija prachodzili ŭ apošnija tydni i jakija płanujucca zaŭtra» ŭ Biełarusi. Pra heta paviedamlaje Tut.by sa spasyłkaj na pres-słužbu PA ABSIE.
oscepa.org
«Biełaruskija ŭłady pavinny prajaŭlać strymanaść u abychodžańni z demanstrantami. Asnoŭnyja pravy hramadzian pavinny vykonvacca, u tym liku na svabodu słova i mirnuju demanstracyju. Ja asabliva zaniepakojeny previentyŭnymi aryštami i zapałochvańniem, jakija, jak paviedamlajecca, nakiravanyja na toje, kab pieraškodzić peŭnym ludziam uziać udzieł u demanstracyjach», — zajaviŭ Charsted.
Pry hetym jon dadaŭ, što «ŭ demanstrantaŭ taksama jość abaviazacielstvy».
«Svaboda schodaŭ źviazanaja z abaviazkami. Arhanizatary i ŭdzielniki demanstracyj pavinny sačyć za tym, kab jany adbyvalisia ŭ spakojnaj i mirnaj atmaśfiery. Ja liču, što pieravažnaja bolšaść ludziej u Biełarusi čakajuć, što pavodziny ŭsich udzielnikaŭ demanstracyj buduć uzvažanymi i adkaznymi», — skazaŭ kiraŭnik rabočaj hrupy.