Łukašenka: Ja pastaviŭ umovy — i heta ŭzarvała apazicyjnuju kłaaku
Alaksandr Łukašenka raskazaŭ ab pryčynach aktyvizacyi ŭ Biełarusi roznych apazicyjnych struktur, u tym liku pradstaŭnikoŭ tak zvanaj piataj kałony. Adpaviednuju zajavu kiraŭnik dziaržavy zrabiŭ siońnia ŭ Mahilovie ŭ čas razmovy z pradstaŭnikami pracoŭnych kalektyvaŭ pradpryjemstva kampanii «Kronaspan».
«Vy nie chvalujciesia, krainu my nikomu nie addamo. My jaje budziem trymać razam z vami, — skazaŭ jon. — Samy vialiki niedachop našaj tak zvanaj piataj kałony — jany ŭžo nadta dalokija ad naroda».
«Im treba ŭzbuntavać krainu. Mara — razburyć ŭładu i skinuć prezidenta. Čamu — a jon nie daje dzialić krainu, zavody nie prysabiečyć, pryvatnaj ułasnaści na ziamlu nie ŭvodzić…», — adznačyŭ biełaruski kiraŭnik.
Kažučy ab aktyvizacyi ŭ Biełarusi apazicyjnych struktur, kiraŭnik krainy adznačyŭ, što heta adbyłosia ŭ tym liku paśla jaho sustrečy z hałoŭnym redaktaram haziety «Narodnaja vola» Iosifam Siaredzičam, jaki prapanavaŭ sieści za ahulny stoł z apazicyjaj i abmierkavać tyja ci inšyja pytańni.
Kiraŭnik dziaržavy raskazaŭ, što ŭ pryncypie nie adchiliŭ hetuju ideju, ale jaho pryncypovaja pazicyja ŭ tym, što za takim stałom pavinny prysutničać pradstaŭniki patryjatyčnaj apazicyi, jakaja lubić svoj narod i krainu.
«Ź inšymi ja razmaŭlać nie budu — z pravakatarami. Kali prezident u Pałac Niezaležnaści za kruhły stoł zapuskaje pravakataraŭ, što padumajuć narmalnyja ludzi? — zadaŭ rytaryčnaje pytańnie kiraŭnik dziaržavy. — Tamu ja pastaviŭ ŭmovy. I heta ŭzarvała hetuju apazicyjnuju kłaaku. Tyja, chto naviersie zrazumieli, što da prezidenta jany nie patrapiać, a za stoł siaduć inšyja».
«Jak inšyja? My — načalniki, nam adtul hrošyki płaciać. A kali inšyja, značyć, inšym buduć płacić, — raspavioŭ kiraŭnik dziaržavy ab razvahach šerahu apazicyjnych pradstaŭnikoŭ. — Heta — hłybinnaja pryčyna, čamu raptam apazicyja tak mocna ŭ nas ŭzbudziłasia. Zrazumieła, jašče i viasnovaje abvastreńnie ŭ niekatorych».
Alaksandr Łukašenka taksama adznačyŭ, što zachodnija arhanizacyi, jakija finansujuć apazicyju ŭ Biełarusi, hatovyja davać hrošy ŭ pieršuju čarhu pry ŭmovie arhanizacyi biesparadkaŭ.
«Ci patrebny mardaboj, kroŭ», — skazaŭ jon. Što tyčycca dekreta №3 «Ab praduchileńni sacyjalnaha ŭtrymanstva», Alaksandr Łukašenka padkreśliŭ, što z pratestam vystupajuć i tyja, kaho ŭ pieršuju čarhu pavinny kranać normy adpaviednaha dakumienta.
«Voś jany - pryčyny ŭzbudžeńnia našaj piataj kałony», - skazaŭ kiraŭnik dziaržavy.
Razam z tym Alaksandr Łukašenka padkreśliŭ, što situacyja ŭ Biełarusi kantralavanaja i destabilizacyi abstanoŭki ŭ krainie nie budzie dapuščana.