U Polščy karennym čynam mianiajecca sistema školnaj adukacyi
Prezident Polščy Andžej Duda padpisaŭ Zakon ab adukacyi i adpaviednyja pałažeńni, jakija tyčacca ŭviadzieńnia hetaha zakonu ŭ žyćcio. Zhodna z reformaj, z nastupnaha školnaha hoda pačniecca praces likvidacyi himnazij. Zamiest ich budzie ŭviedzienaja vaśmihadovaja bazavaja škoła i čatyrochhadovaje navučańnie ŭ licei. Kaardynacyjaj reformy zojmiecca Ministerstva nacyjanalnaj adukacyi.
Prezident pryznaŭsia, što heta było ciažkaje rašeńnie, zapatrabavaŭšy cełaha šerahu kansultacyj:
«Paśla razhladu mnohich pazicyj i ich abmierkavańnia, a taksama paśla ŭčorašniaj razmovy ź ministram adukacyi Hannaj Zaleŭskaj i premjeram Bieataj Šydła ŭ prysutnaści prafiesara Andžeja Vaśko — čalca Nacyjanalnaj rady pa raźvićci, ja pryniaŭ rašeńnie padpisać jak Zakon ab adukacyi, tak i spadarožnyja zakanadaŭčyja pałažeńni».
Prezident Polščy taksama vykazaŭ mierkavańnie, što reforma sistemy adukacyi była nieabchodnaja, a kožny čarhovy hod biez reformy moh nanieści škodu jakaści adukacyi. Andžej Duda padkreśliŭ, što dziejučaje da hetaha času 3-hadovaje navučańnie ŭ licei było zanadta karotkim.
Prezident Duda dadaŭ, što hetaja reforma źjaŭlajecca adkazam na hramadskija čakańni pa pytańni likvidacyi himnazijaŭ. Adnak jaje pryncypy nie zadavalniajuć niekatoryja piedahahičnyja koły. U pryvatnaści, z płanam likvidacyi himnazij nie zhodny Sajuz polskich nastaŭnikaŭ.