Ščotkinu i jašče 55 čałaviek biezalternatyŭna abrali ŭ Saviet Respubliki
Poŭny śpis novych «sienataraŭ».
U Minsku i kožnaj z šaści abłaściej abranyja pa 8 členaŭ Savieta Respubliki. Ich kandydatury razhladalisia miascovymi savietami deputataŭ. Vybary prachodzili na biezalternatyŭnaj asnovie — 56 čałaviek na 56 miescaŭ.
Jašče vosiem členaŭ u Saviet Respubliki pryznačyć Alaksandr Łukašenka. Jak praviła, heta staršyni abłvykankamaŭ i Minharvykankama, a taksama chtości z pradstaŭnikoŭ dziaržaŭnych ŚMI.
Chto ź viadomych ludziej trapiŭ u Saviet Respubliki? Najpierš heta ciapierašni śpikier, były premjer-ministr Biełarusi Michaił Miaśnikovič. Mabyć, jon budzie kiravać i novym sklikańniem.
Michaił Miaśnikovič, mabyć, iznoŭ budzie śpikieram Savieta Respubliki.
A voś ciapierašni namieśnik Miaśnikoviča Anatol Rusiecki bolš nie zarehistravany jak kandydat. Možna rabić staŭku, što najbolš imaviernaj vice-śpikierkaj stanie dziejnaja ministarka pracy i sacyjalnaj abarony Maryjana Ščotkina, jakaja ŭznačalvała štab Łukašenki padčas minułych prezidenckich vybaraŭ.
Maryjana Ščotkina pakinie pasadu ŭ Ministerstvie pracy dziela pierachodu ŭ Saviet Respubliki.
Hetaksama idzie ŭ Saviet Respubliki kiraŭnik inicyjatyŭnaj hrupy Łukašenki, staršynia Fiederacyi prafsajuzaŭ Michaił Orda. Heta nie značyć, što Orda sydzie z prafsajuznaj pracy. Dumajecca, jon budzie i tam, i tam.
Taksama ŭ Saviet Respubliki idzie talenavity doktar Aleh Rumo, jaki byŭ letaś davieranaj asobaj Łukašenki. Rumo — adziny doktar, jakomu dali nadzieł u Drazdach.
Orda zmoža pracavać adnačasova i ŭ prafsajuzach, i ŭ «sienacie».
Pa Minsku taksama idzie ciapierašni pasoł Biełarusi ŭ Japonii Siarhiej Rachmanaŭ. Jon naradziŭsia ŭ Rasii, ale vučyŭsia i pracavaŭ u Biełarusi. Karjera Rachmanava raźvivałasia jak u navukoŭca-chimika, adnak u druhoj pałovie žyćcia jaho pieraviali na dypłamatyčnuju nivu, a ciapier na deputackuju.
Kaciaryna Dułava ŭznačalvaje Akademiju muzyki.
Try astatnija vakansii pa Minsku zajmajuć namieśnica ministra justycyi Ała Badak, dyrektar centra «Maci i dzicia» Kanstancin Vilčuk i rektarka Akademii muzyki Kaciaryna Dułava.
Samaj maładoj u novym sklikańni savieta respubliki budzie redaktarka «Pinskaha vieśnika» Volha Leŭčanka. Joj 37 hadoŭ. Da hetaha jana ŭznačalvała pinski BRSM, a taksama adździeł moładzi ŭ rajvykankamie.
Volha Leŭčanka ź Pinska ryzykuje stać samaj maładoj u saviecie respubliki.
Na hod starejšy za Leŭčanku dyrektar pa pramysłova-techničnaj palitycy zavoda BATE (Barysaŭ) Alaksandr Marčanka.
A voś najstarejšym pradstaŭnikom u Saviecie Respubliki budzie hienieralny dyrektar «Viciebskabłhaza» Piatro Šeršań, jakomu 67 hadoŭ. Tolki na hod maładziejšy za jaho Michaił Miaśnikovič.
Minskuju vobłaść u saviecie respubliki budzie pradstaŭlać lidar Libieralna-demakratyčnaj partyi Siarhiej Hajdukievič. Hety čałaviek trojčy ŭdzielničaŭ u prezidenckich vybarach, ale nie ni razu nie spadziavaŭsia pieramahčy. Mnohija razhladajuć Hajdukieviča jak sparynh-partniora Alaksandra Łukašenki.
Źviartaje ŭvahu, što ŭ hetaje sklikańnie Savieta Respubliki nie ŭklučany multymiljanier, staršynia rady dyrektaroŭ «Amkador» Alaksandr Šakucin — adzin z najbolš nabližanych da Alaksandra Łukašenki biznesmienaŭ krainy.
Mikałaju Martynavu nie ŭ navinku zasiadać u Saviecie Respubliki.
Bahatyja biełarusy ŭ saviecie respubliki buduć reprezientavanyja ŭ asobie Mikałaja Martynava, hienieralnaha dyrektara abutkovaj kampanii «Marka». Martynaŭ byŭ u śpisach členaŭ Savieta Respubliki i minułaha sklikańnia.
Buduć u Saviecie Respubliki i inšyja top-mieniedžary. Naprykład, 40-hadovy Ivan Hałavaty, hiendyrektar «Biełaruśkalija», vyłučany ad Minskaj vobłaści.
Ad Bresckaj vobłaści ŭ vierchniuju pałatu parłamienta bałatujucca dyrektar miemaryjalnaha kompleksu «Bresckaja krepaść-hieroj» Ryhor Bysiuk i staršynia Respublikanskaj kalehii advakataŭ Viktar Čajčyc. Apošni žyvie ŭ Baraŭlanach, pracuje ŭ Minsku, ale, pakolki pachodzić z Brestčyny, to i vyłučajecca adtul.
Adrazu niekalki rektaraŭ vyšejšych navučalnych ustanovaŭ iduć u «sienatary». Aproč užo zhadanaj Dułavaj, heta Anatol Ščasny ź Viciebskaha mieduniviersiteta, Viktar Śniažycki z Hrodzienskaha miedycynskaha, Iryna Staravojtava z Mahiloŭskaha instytuta raźvićcia adukacyi i dyrektar Mahiloŭskaj filii Akademii muzyki Mikałaj Ałdanaŭ.
Andrej Bielakoŭ u svaje 40 hadoŭ uznačalvaje BRSM.
Znoŭ u Saviecie Respubliki budzie pradstaŭleny kiraŭnik BRSM. U minułym sklikańni heta byŭ Ihar Buzoŭski, jakoha pavysili da namieśnika kiraŭnika Administracyi prezidenta. A sioleta ŭ «sienatary» trapić Andrej Bielakoŭ, jaki ŭ svaje 40 uznačalvaje hałoŭnuju moładzievuju arhanizacyju krainy.
Ad Hrodzienščyny ŭ «śpis 56» trapiŭ dyrektar miascovaha miasakambinata Anatol Hryšuk, a taksama staršynia pieradavoha sielhaskaapieratyva «Aziory Hrodzienskaha rajona» Alaksandr Šyško.
Sumnaviadomy doktar Viktar Sirenka, jaki prasłaviŭsia tym, što zdaŭ śpiecsłužbam kandydata ŭ prezidenty Uładzimira Niaklajeva ŭ 2010, vyłučany pa Minskaj vobłaści.
Taksama ŭ Saviet Respubliki patrapić dyrektar paśpiachovaha «Ahrakambinata Snoŭ» Mikałaj Radaman.
Mikałaj Radaman uznačalvaje ahrakompleks «Snoŭ».
* * *
Poŭny śpis hetak zvanych «sienataraŭ» — členaŭ Savieta Respubliki:
BRESCKAJA VOBŁAŚĆ
Viktar Ambražejčyk dyrektar Drahičynskaha lashasa
Ivan Antanovič dyrektar AAT «Novaja Prypiać» Stolinskaha rajona
Ryhor Bysiuk dyrektar miemaryjalnaha kompleksu «Bresckaja krepaść-hieroj»
Nina Dudarha načalnik Łuninieckaha rajonnaha vuzła paštovaj suviazi
Volha Leŭčanka - redaktar haziety «Pinski vieśnik»
Vasilij Markievič hienieralny dyrektar AAT «Ptuškafabryka «Družba» Baranavickaha rajona
Vasilij Ramanoŭski hałoŭny ŭrač Baranavickaj centralnaj palikliniki
Viktar Čajčyc staršynia Respublikanskaj kalehii advakataŭ
HOMIELSKAJA VOBŁAŚĆ
Ryhor Dvorak načalnik RUP «Homielskaje adździaleńnie Biełaruskaj čyhunki»
Alaksandr Lachaŭ hienieralny dyrektar RUP «VA «Biełarusnafta»
Ihar Kraŭčanka hienieralny dyrektar KPRBUP «Homielabłdarbud»
Aleh Jadrancaŭ hałoŭny ŭrač dziaržaŭnaj ustanovy achovy zdaroŭja «Homielskaja kliničnaja balnica №1»
Aksana Kavalkova dyrektar DUA «Siaredniaja škoła №16 horada Mazyra»
Halina Trybunach dyrektar AAT «Zorka» Čačerskaha rajona
Halina Mielnikava hałoŭny redaktar ustanovy «Redakcyja Žłobinskaj haziety «Novy dzień»
Andrej Bielakoŭ pieršy sakratar Centralnaha kamiteta HA «Biełaruski respublikanski sajuz moładzi»
HRODZIENSKAJA VOBŁAŚĆ
Anatol Hryšuk hienieralny dyrektar AAT «Hrodzienski miasakambinat»
Ihar Žuk staršynia Hrodzienskaha abłasnoha Savieta deputataŭ
Alaksandr Šyško staršynia SVK «Aziory» Hrodzienskaha rajona
Alena Kratkova hałoŭny ŭrač Hrodzienskaj abłasnoj kliničnaj infiekcyjnaj balnicy
Viktar Śniažycki rektar Hrodzienskaha dziaržaŭnaha miedycynskaha ŭniviersiteta
Iniesa Biełuš staršynia Lidskaha rajonnaha Savieta deputataŭ
Michaił Sićko staršynia Vaŭkavyskaha rajonnaha kamiteta
Ramanija Skamaroška staršynia Hrodzienskaj abłasnoj arhanizacyi Biełaruskaha tavarystva Čyrvonaha Kryža
VICIEBSKAJA VOBŁAŚĆ
Anatolij Aniuchoŭski dyrektar Tałačynskaha kansiervavaha zavoda
Mikałaj Martynaŭ hiendyrektar kirujučaj kampanii chołdynha «Biełaruskaja harbarna-abutkovaja kampanija «Marko»
Piotr Šeršań hiendyrektar pradpryjemstva «Viciebskabłhaz»
Juryj Dziarkač načalnik upraŭleńnia achovy zdaroŭja abłvykankama
Vasilij Drobataŭ dyrektar AAT «Połacktransnafta Družba»
Alena Panciuchova dyrektar rehijanalnaj teleradyjokampanii «Viciebsk»
Mikałaj Šaŭčuk staršynia Połackaha rajvykankama
Anatolij Ščasny rektar Viciebskaha dziaržaŭnaha mieduniviersiteta
MAHILOŬSKAJA VOBŁAŚĆ
Iryna Akułovič dyrektar teleradyjokampanii «Mahiloŭ»
Mikałaj Ałdanaŭ dyrektar Mahiloŭskaha filijała Biełaruskaj dziaržaŭnaj akademii muzyki
Anatolij Drazdoŭ dyrektar AAT «Novaja Druć»
Barys Kavaleŭski hiendyrektar AAT «Mahiloŭski zavod liftavaha mašynabudavańnia»
Kanstancin Puciła hiendyrektar RUP «Mahiloŭenierha»
Iryna Piatrova hałoŭny ŭrač Hłuskaj centralnaj rajbalnicy
Iryna Staravojtava rektar Mahiloŭskaha dziaržaŭnaha abłasnoha instytuta raźvićcia adukacyi
Uładzimir Panciuchoŭ staršynia Pastajannaj kamisii Savieta Respubliki pa ekanomicy, biudžecie i finansach
MINSKAJA VOBŁAŚĆ
Siarhiej Hajdukievič staršynia Libieralna-demakratyčnaj partyi Biełarusi
Śviatłana Hierasimovič staršynia Pastajannaj kamisii Savieta Respubliki Nacyjanalnaha schodu pa rehijanalnaj palitycy i miascovym samakiravańni
Ivan Hałavaty hienieralny dyrektar AAT «Biełaruśkalij»
Nina Žalaznova dyrektar sielskahaspadarčaha ŭnitarnaha pradpryjemstva «Aziarycki-Ahra» Smalavickaha rajona
Alaksandr Marčanka dyrektar pa pramysłova-techničnaj palitycy i raźvićci AAT «Barysaŭski zavod aŭtatraktarnaha elektraabstalavańnia» - kirujučaja kampanija chołdynha «Aŭtakampanienty»
Viktar Sirenka namieśnik staršyni Minskaha abłasnoha vykanaŭčaha kamiteta
Aleh Sukonka dyrektar dziaržaŭnaj ustanovy «Respublikanski navukova-praktyčny centr ankałohii i miedycynskaj radyjałohii imia M.M.Alaksandrava»
Mikałaj Radaman staršynia sielskahaspadarčaha vytvorčaha kaapieratyva «Ahrakambinat Snoŭ» Niaśvižskaha rajona
MINSK
Ała Badak namieśnik ministra justycyi
Kanstancin Vilčuk dyrektar RNPC «Maci i dzicia»
Kaciaryna Dułava rektar Biełaruskaj dziaržaŭnaj akademii muzyki
Michaił Miaśnikovič staršynia Savieta Respubliki Nacyjanalnaha schodu
Michaił Orda staršynia Fiederacyi prafsajuzaŭ Biełarusi
Siarhiej Rachmanaŭ Nadzvyčajny i Paŭnamocny Pasoł Respubliki Biełaruś u Japonii
Aleh Rumo kiraŭnik RNPC transpłantacyi orhanaŭ i tkanak
Marjana Ščotkina ministr pracy i sacyjalnaj abarony
