Biełarus vyjhraŭ 17-je zołata Rya-2016 dla Rasii
Siońnia ŭ Rya-2016 zaviaršylisia spabornictvy piaciborcaŭ. U mužčynskich spabornictvach rasijski piaciborac Alaksandr Lasun vyjhraŭ zołata.
sport-express.ru
1. Alaksandr Lasun (Rasija) - 1479
2. Pavieł Cimoščanka (Ukraina) - 1472
3. Ismael Ernandes Uskanha (Mieksika) - 1468
Sport-Ekspres nazvaŭ Lesuna Alaksandram Vialikim.
Dla kamandy Rasii 20 žniŭnia stała samym udałym dniom Alimpijady, bo kamanda vyjhrała adrazu čatyry alimpijskija zołaty i adno srebra. Akramia zołata ŭ piaciborji, u Rasii taksama vyšejšyja ŭznaharody ŭ handbole, mastackaj himnastycy i baraćbie. Usiaho ŭ rasijan 17 załatych, 17 siarebranych i 19 bronzavych miedaloŭ.
***
Alaksandr Lasun naradziŭsia ŭ 1988 h. u Barysavie i pa 2008 hod vystupaŭ za Biełaruś.
Ale paśla piekinskaj Alimpijady spartsmien pierabraŭsia ŭ Rasiju, nazvaŭšy dźvie pryčyny: na radzimie jamu zabaraniali zajmacca prafiesijnym sportam pa stanie zdaroŭja; u zbornuju było ciažka prabicca, bo jaje hałoŭny trenier spryjaŭ svajmu asabistamu vučniu.