Pieramožca «Słavianskaha bazaru» pastupiŭ va Univiersitet kultury, uraziŭšy kamisiju prapanovaj vieści fiestyval pa-biełarusku
Sioletni pieramožca «Słavianskaha bazaru» nabraŭ na ispytach 291 bał i pastupiŭ na śpiecyjalnaść «režysior śviataŭ».
Śpiavak zdavaŭ historyju Biełarusi, biełaruskuju movu i tvorčy ekzamien na bazie VNU.
Padrabiaźniej pra ekzamien i płany Alaksieja Hrosa raspavioŭ kuratar vykanaŭcy Siarhiej Andryjanaŭ.
«Tvorčy ekzamien ujaŭlaŭ saboj akciorskaje majsterstva — tut Alaksiej začytaŭ bajku Kandrata Krapivy «Hanarysty parsiuk» i ŭryvak z apoviedu Ivana Bunina «Areli». Na druhi ŭstupny tvorčy ekzamien pisaŭ scenarny płan pa praviadzieńni «Słavianskaha bazaru». Heta značyć, što jamu treba było raśpisać nie scenar kancertaŭ, a ŭ jakim farmacie jon bačyć konkurs».
«Alaksiej prapanavaŭ ideju «Słavianskaha praśpiekta», na jakim pavinny być raźmierkavanyja placoŭki asnoŭnych słavianskich dziaržaŭ. Taksama naš śpiavak prapanavaŭ vieści «Słavianski bazar» na movie krainy-haspadyni biełaruskaj i anhlijskaj movach, jak mižnarodnaj».
«Na apošnim tvorčym ekzamienie kamisija razam z Alaksiejem abmiarkoŭvali tvorčaść Uładzimira Mulavina. I voś siońnia stała viadoma, što jon pastupiŭ».
Takim čynam śpiavak płanuje atrymać pieršuju vyšejšuju adukacyju. Pa słovach kamandy Alaksieja, atrymać vyšejšuju adukacyju vykanaŭca natchniŭ udzieł u «Słavianskim bazary», uroki pa vakale i inš.
Dahetul pieramožca «Słavianskaha bazaru» 6 hadoŭ vučyŭsia ŭ salihorskaj muzyčnaj škole pa kłasie ŭdarnych. U 2006 hodzie pastupiŭ u Minski kaledž mastactvaŭ na adździeł vakału. Z 2010 hoda zajmajecca solnaj karjeraj.