Łukašenka raspavioŭ, što čakaje ad novaha staršyni Nacbanka
Alaksandr Łukašenka, pradstaŭlajučy ŭ saviecie respubliki novaha kiraŭnika Nacbanka Paŭła Kałaŭra, naceliŭ jaho na efiektyŭnuju pracu i inicyjatyvy, jakija daduć praktyčny vynik.
«Vy pavinny słužyć dziaržavie i našamu narodu. Prymajcie ŭzvažanyja, praličanyja rašeńni pa aktualnych napramkach raźvićcia sistemy. Ciesnym uzajemadziejańni z zakanadaŭcami i inšymi halinami ŭłady pa nadzionnych finansavych pytańniach», — padkreśliŭ kiraŭnik dziaržavy.
Łukašenka adznačyŭ, što staršynia praŭleńnia Nacbanka i premjer-ministr źjaŭlajucca tymi ludźmi, chto budzie adkazvać za pracesy ŭ ekanomicy i jaje kryvianosnuju sistemu — finansy.
«I śpichvać na kahości, što tam pravoŭ nie chapaje, paŭnamoctvaŭ abo narmatyŭna-pravavaja baza nie taja, - niemahčyma. Usie rašeńni pryniatyja. Usia ŭłada zasiarodžanaja ŭ hetym płanie ŭ ich rukach - dziejničajcie!» — skazaŭ jon.
