Łukašenka: Treba nadzialić ministraŭ bolšymi paŭnamoctvami
Urad pavinien być kalehijalnym orhanam, dzie hałoŭnaje źviano — ministr.
Pra heta zajaviŭ siońnia Alaksandr Łukašenka, pradstaŭlajučy deputatam novaha premjer-ministra Andreja Kabiakova [pryznačany na pasadu 27 śniežnia — NN] na pasiadžeńni šostaj pazačarhovaj siesii pałaty pradstaŭnikoŭ nacyjanalnaha schodu Biełarusi piataha sklikańnia.
«Važniejšaja zadača premjer-ministra — dakładnaja kaardynacyja ŭsioj pracy. Praściej kažučy, raźvieści ministraŭ i vice-premjeraŭ tak, kab namieśnik premjer-ministra nie moh dziejničać pa-staromu, kali davalisia vytvorčyja ŭkazańni i ministr byŭ hetym paviazany pa rukach i nahach, i nie moh dziejničać samastojna», — ličyć kiraŭnik dziaržavy.
«Jaho (ministra) asnoŭnaja zona adkaznaści ŭ pramysłovaści — stvareńnie ŭmoŭ dla pracy pramysłovych pradpryjemstvaŭ, u sielskaj haspadarcy — sielskahaspadarčych arhanizacyj, u adukacyi — škoł, siarednich śpiecyjalnych navučalnych ustanoŭ i VNU, u achovie zdaroŭja — balnic i hetak dalej. zony adkaznaści vyznačany. Treba dziejničać», — adznačyŭ Łukašenka.
