Даслаць навіну
Знайсці
21.02.2020 / 18:01 29

МЗС пра планы польскіх нацыяналістаў правесці марш у Гайнаўцы: Учора Буры, сёння Лупашка, а што будзе заўтра?

Міністэрства замежных спраў Беларусі шкадуе з нагоды новых планаў правесці праварадыкальнае мерапрыемства — так званы марш памяці — у польскай Гайнаўцы, якая з'яўляецца месцам кампактнага пражывання этнічных беларусаў у Польшчы. Пра гэта заявіў журналістам начальнік упраўлення інфармацыі і лічбавай дыпламатыі МЗС Анатоль Глаз, паведамляе БелТА.

Павялічыць

Фота «Радыё Рацыя»

«Мы ніколі не будзем абыякавымі да спробаў апаганіць памяць нашых суайчыннікаў, праславіць ваенных злачынцаў, апраўдаць забойства мірных жыхароў, спаленне вёсак і крывавыя рэйды. Іншых трактовак тут быць не можа», — адзначыў Анатоль Глаз.

Паводле яго слоў, выклікае трывогу пазіцыя мясцовых уладаў, бо сёлета яны вырашылі не апратэстоўваць правядзенне праварадыкальнага маршу, нібыта з прычыны адсутнасці надзеі дамагчыся пазітыўнага выніку ў польскіх рэаліях.

«Больш за тое, на дамах Беластока з'явіліся банеры, якія праслаўляюць іншага, так званага праклятага, салдата па мянушцы Лупашка. Ён вядомы карнымі акцыямі ў 1944-1945 гадах у вёсках з беларускім і літоўскім этнічным насельніцтвам. Учора Буры, сёння Лупашка, а што будзе заўтра — апраўданне генацыду?!» — рытарычна адзначыў афіцыйны прадстаўнік МЗС.

Рамуальд Райс у студзені-лютым 1946 года разам з сябрамі сваёй банды здзейсніў на Беласточчыне масавае забойства мірных жыхароў, у тым ліку старых, жанчын і дзяцей, у асноўным этнічных беларусаў праваслаўнага веравызнання.

Зыгмунт Шэндзеляж (псеўданім Лупашка) таксама адказны за забойства дзясяткаў цывільных жыхароў у пасляваенны перыяд.

Хочаш падзяліцца важнай інфармацыяй
ананімна і канфідэнцыйна?

1
Антыхіпстар / адказаць
22.02.2020 / 18:41
Маскавіты заўсёды з радасьцю аплоцяць стварэньне любой "кропкі напружаньня" ў Польшчы, Беларусі, Украіне, Літве, Латвіі, Эстоніі, Чэхіі, Славаччыне, Угоршчыне і г.д.
Наконт Польшчы і Гайнаўкі, проста гуглім, хто такія Тадэвуш Піскорскі ды Януш Корвін-Міке, а потым гуглім палітычную прыналежнасьць арганізатараў "маршу" ў Гайнаўцы.
Заяву беларускага МЗС - падтрымліваю.
0
Баршчэўскі / адказаць
23.02.2020 / 11:24
апраўданьняў забойцам быць ня можа ў прынцыпе, але чаму беларускае МЗС не рабіла ніякіх заяваў (калі я чаго не прапусьціў) у зьвязку з 80-годзьдзем пакту Молатава - Рыбэнтропа? Баялася раздражніць Лубянку?
0
Niemand / адказаць
23.02.2020 / 15:13
Ляксандра, Навошта?..
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
сакавік красавік май
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30