Даслаць навіну
Знайсці
08.10.2019 / 19:08 30

На польска-беларускай мяжы агітуюць запісвацца ў перапісе палякамі

Актывісты фонда «Młode Kresy», зарэгістраванага ў Польшчы, 5 кастрычніка з польскага боку мяжы ў Кузніцы агітавалі беларускіх грамадзян, якія стаялі ў чарзе ў пункт пропуску, запісвацца ў перапісе насельніцтва палякамі, паведамляе Hrodna.life са спасылкай на kresy.pl.

Павялічыць выяву

Актывісты раздавалі ўлёткі з інфармацыяй аб перапісе і заклікамі заявіць у час перапісу пра сваю польскую нацыянальнасць. Сваю акцыю яны назвалі «Pamiętam kim jestem» («Памятаю хто я»).

Павялічыць выяву

«Калі яны ў нейкай ступені адчуваюць сябе палякамі, то няхай запішуцца палякамі», — сказала журналістам TVP Białystok актывістка фонда «Młode Kresy» Эвэліна Падгорна, якая сама родам са Львова.

На гэтым тыдні актывісты плануюць таксама раздаваць улёткі на адным з літоўска-беларускіх пунктаў пропуску.

Павялічыць выяву

Да пачатку перапісу актывісты расклейвалі ў беларускіх рэгіёнах, дзе жыве вялікая польская нацыянальнай меншасць, налепкі і плакаты падобнага зместу. Агітацыйныя матэрыялы з’явіліся ў Гродне, Лідзе, Шчучыне, Ваўкавыску, Воранаве і Іўе. Крытыку ў інтэрнэце выклікала налепка з Канстанцінам Каліноўскім на «Карце паляка» і подпісам «Я паляк».

Фонд «Młode Kresy» зарэгістраваны ў Польшчы. Яго стварыла ў 2017 годзе моладзь, якая прыехала туды вучыцца з Беларусі, Літвы і Украіны.

Павялічыць выяву

Старшыня фонду Міраслаў Капцэвіч кажа, што з’ехаў з Беларусі ў Польшчу з-за пераследу з боку міліцыі і КДБ, якім не падабалася яго грамадская дзейнасць.

«Мы хочам, каб польскасць у Беларусі жыла, мы хочам размаўляць на роднай мове, ведаць сваю культуру, сваю традыцыю. Калі нас будзе ўсё менш, то ўжо не будзе ані мовы, ані культуры», — патлумачыў Міраслаў.

Hrodna.life

9
Уладзiслау / адказаць
09.10.2019 / 08:47
Яб iм па мордзе надавауб калi б падышлi да мяне з такой прапановай цi паспрабавалi улетку пакiнуць на машыне. Калi ты з"ехау з краiны i потым агiтуешь за апалячванне, то ты здраднiк! А з такiмi у мяне мова адна - вальнуць у пыск. Нельга мацi сваю прадавацi, адракацца. Калi ты выхавауся у польскай культуры и адчуваешь сябе палякам, гэта  iншая рэч. Пiшыся тады палякам, усе у парадку. Але калi ты у пошуках лепшага жыцця паехеу i раптам пачуу сябе палякам, ды iншых агiтуешь. Паскудзiшь сваёй Радзiме! А заутра i польскасць сваю прадасi, прапануй табе Няметчыну цi штаты. Трэба адрознiваць матерыальня каштоунасцi ад маральных. Жыць можно дзе заугодна, але не таргаваць сваiм сумленнем.
5
Алл / адказаць
09.10.2019 / 09:09
Есть повод нашему  министерству иностранных дел выразить ПРОТЕСТ. Это я вне вмешательство другого государства  во внутренние политику Республики  Беларусь.
0
Хлопчык / адказаць
11.10.2019 / 20:54
Народ не имеющий национального самосознания- есть навоз на котором произрастают другие народы. Столыпин. Всегда дешевле вложиться в национальную идею и все что с ней связано, чем потом тратить миллиарды на пушки и танки. Жаль, время ушло. Занавес.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31