«Uh no»: у Мінску выпусцілі майкі з твітам Ілана Маска пра «Тэслу» для Лукашэнкі
Кампанія «LSTR Адзенне» вырабіла майкі з выявай твіта Ілана Маска, якім ён адказаў на пытанне, ці дарыў машыну кіраўніку беларускай дзяржавы.
Як табе такое @elonmusk ? pic.twitter.com/X8GLEsXU9g
2 верасня Аляксандр Лукашэнка ў час наведвання школы №93 у Мінску адзначыў, што аўтамабіль «Тэсла», які ён тэставаў ў 2017 годзе, яму падарыў Ілан Маск.
Але, мяркуючы па ўсім, амерыканскі мільярдэр абвергнуў гэтую інфармацыю. Пра гэта ён паведаміў у твітары пасля просьбаў беларускіх карыстальнікаў пракаментаваць гэтую інфармацыю.
«О не», — коратка адказаў Маск.
«У мяне ёсць электрычная машына — Тэсла. Я часам яе тэсцірую — Маск падарыў. Убачыў мяне на матацыкле і кажа: «Што гэта ў вас прэзідэнт на двухколавым матацыкле ездзіць?», — сказаў Лукашэнка школьнікам.
