У Тайландзе распавялі пра дрэнныя паводзіны Насці Рыбкі ў турме
Настасся Вашукевіч (Насця Рыбка), якая правяла разам з іншымі абвінавачанымі па справе пра нелегальны «сэкс-трэнінг» амаль 10 месяцаў у турме Патаі пад следствам і судом, не жадала падпарадкоўвацца турэмным правілам і неаднаразова атрымлівала заўвагі, заявіў у пятніцу дырэктар карэкцыйнага дэпартамента міністэрства юстыцыі Тайланда Нарат Саветсанан.
«Да яе ставіліся гэтак жа, як і да ўсіх астатніх жанчын-зняволеных. Аднак яна супраціўлялася і парушала турэмныя парадкі і правілы», — сказаў кіраўнік дэпартамента, словы якога цытуе інтэрнэт-версія газеты Bangkok Post.
«Супрацоўнікам турмы неаднаразова даводзілася рабіць ёй заўвагі. Гэта яе выводзіла з сябе, і яна пачынала з імі спрачацца. Усе астатнія зняволеныя, арыштаваныя па гэтай справе, паводзілі сябе спакойна», — дадаў ён.
