U Tajłandzie raspaviali pra drennyja pavodziny Naści Rybki ŭ turmie
Nastaśsia Vašukievič (Naścia Rybka), jakaja praviała razam ź inšymi abvinavačanymi pa spravie pra nielehalny «seks-treninh» amal 10 miesiacaŭ u turmie Patai pad śledstvam i sudom, nie žadała padparadkoŭvacca turemnym praviłam i nieadnarazova atrymlivała zaŭvahi, zajaviŭ u piatnicu dyrektar karekcyjnaha departamienta ministerstva justycyi Tajłanda Narat Savietsanan.
«Da jaje stavilisia hetak ža, jak i da ŭsich astatnich žančyn-źniavolenych. Adnak jana supraciŭlałasia i parušała turemnyja paradki i praviły», — skazaŭ kiraŭnik departamienta, słovy jakoha cytuje internet-viersija haziety Bangkok Post.
«Supracoŭnikam turmy nieadnarazova davodziłasia rabić joj zaŭvahi. Heta jaje vyvodziła ź siabie, i jana pačynała ź imi spračacca. Usie astatnija źniavolenyja, aryštavanyja pa hetaj spravie, pavodzili siabie spakojna», — dadaŭ jon.
