Андрэй Дынько: «Калгас для зэкаў» — гэта сапраўды добра
Фота: Вячаслаў Цуранаў, «На страже».
Я то таксама думаю, што «калгас для зэкаў» гэта добра. Яшчэ Леў Талстой ва «Уваскрасенні» пісаў, што нічога так не псуе чалавека як нічоганерабленне ў замкнёнай, цеснай камеры. А тут прынамсі чалавек будзе мець кантакт з зямлёй, жывёламі, у яго будуць рукі і галава занятыя, ён будзе прыносіць карысць іншым людзям, а гэта дае шанец на «выпраўленне», шанец, што чалавек выйдзе з «папраўчай» установы лепшым, чым зайшоў туды.
На жаль, цяпер у большасці выпадкаў зняволены выходзіць з турмы са страхам і агрэсіяй.
Іншая рэч, што праца зэкаў, як і любая паднявольная праца, неэфектыўная, і ўсё адно грамадству, мусіць, давядзецца больш траціць на ахову, тэхніку, якую зэкі будуць ламаць, чым пасля атрымліваць прадукцыі. Але ўсё роўна — хай лепш людзі працуюць, а не сядзяць.