Даслаць навіну
Знайсці
18.10.2017 / 14:55 7

«Пасярод пары студэнтам замяралі рост, вагу, аб'ём грудзей». Што адбывалася ў Акадэміі мастацтваў?

Па беларускім твітары гуляе дзіўная гісторыя — нібыта ў сталічнай Акадэміі мастацтваў на парах абмяраюць студэнтаў, бо «у студэнтаў з малой вагой больш шанцаў на інтэрнат». Робіць гэта камісія з выкладчыка, медсястры і псіхолага.

Павялічыць выяву

«Наша Ніва» вырашыла высветліць непасрэдна ў Акадэміі, што гэта было.

«Гэта агульнарэспубліканскі праект, праводзіцца па ўсіх універсітэтах рэспублікі. Ідзе толькі ў Мінску тры-чатыры гады. Студэнтам распавялі, што яны будуць удзельнікамі праекту пад назвай «Мой стыль жыцця сёння, маё здароўе і поспех заўтра». Іх параметры сабралі, і яны запоўнілі анкеты пра свой стан здароўя. Цэлы год з імі будзе весціся праца, будуць прыходзіць спецыялісты. У канцы года убачым, ці атрымалася штосьці ў сувязі з тым, што студэнты атрымалі веды пра здаровы лад жыцця», — распавяла «Нашай Ніве» Ірына Вышынская, кіраўнік аддзела выхаваўчай працы з моладдзю.

Пры гэтым, Вышынская падкрэсліла, што «абмеры» аніяк не звязаныя з месцам у інтэрнаце — «гэта ў студэнтаў фантазія багатая, яны могуць што заўгодна распавесці».

Але ж чаму навучэнцаў абмяралі на парах перад усімі іншымі?

«Бо гэта якраз былі заняткі, прысвечаныя здароваму ладу жыцця. Ёсць жа прадмет асновы жыццядзейнасці. Гэта якраз па тэме. Не на тэхніцы акторскага майстэрства прыйшлі ж», — сказала Вышынская.

Акрамя таго, па яе словах, адмовіцца ад удзелу было цалкам магчыма.

Загадчык інтэрнатаў Акадэміі таксама падкрэсліў, што аніякія абмеры не могуць паўплываць на месца ў інтэрнаце.

«Каб атрымаць месца ў інтэрнаце, адзінае што трэба — даведка, што ў студэнта няма педыкулёзу», — запэўніў загадчык Барыс Марфін.

УШ

1
Мордехай В. / адказаць
18.10.2017 / 18:11
Студэнты - ідэальнае асяроддзе для сацыяльна-псіхалагічных эксперыментаў.
Усё 20е стагоддзе і аўтарытарныя, і людажэрскія, і досыць ліберальныя рэжымі карысталі іх як дармавых пацукоў.

Прапаную просценькі сацыяльны эксперымент на студэнтах. На колькі чалавек можа пахудзець за тыдзень дзеля бесплатнага торта ці там кіло шакаладу. Маркетолагам Камунаркі і Мінскхлеба ў нататнічак.
1
ВЛ / адказаць
19.10.2017 / 07:26
Призывая комиссия... Отбирают заранее.
0
Леся / адказаць
19.10.2017 / 23:00
Вы поинтересуйтесь, какие обмеры бывают в хореографических училищах - таких, к примеру, как МАХУ (не знаю, как оно сегодня зовётся). Нормальный рабочий момент.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31