Лукашэнка даручыў удасканаліць сістэму падрыхтоўкі вайсковых кадраў
Сістэму падрыхтоўкі вайсковых кадраў у Беларусі неабходна ўдасканальваць. Такое даручэнне Аляксандр Лукашэнка даў падчас праверкі ўзроўню прафесійна-службовай падрыхтоўкі афіцэрскага складу Узброеных Сіл на 230-м агульнавайсковым Абуз-Лясноўскім палігоне.
«Не стану аспрэчваць, што гэтая сістэма існуе, але тое, што мы яе даўно не трэслі і не дапасавалі да сучаснай вайны, гэта факт. Ёсць у нас праблемы і з тэрмінамі навучання, праграмамі і з выкладчыкамі, - звярнуў увагу кіраўнік дзяржавы. — трэба браць выкладчыкамі падрыхтаваных людзей з частак, каб яны маглі вучыць таму, што трэба на вайне».
Кіраўнік дзяржавы падкрэсліў, што падрыхтоўку вайсковых кадраў трэба пастаянна прыстасоўваць да сучасных рэалій. Гэта тычыцца не толькі вайсковых і ваенізаваных вышэйшых навучальных устаноў, але і вайсковых факультэтаў у цывільных ВНУ.
