Łukašenka daručyŭ udaskanalić sistemu padrychtoŭki vajskovych kadraŭ
Sistemu padrychtoŭki vajskovych kadraŭ u Biełarusi nieabchodna ŭdaskanalvać. Takoje daručeńnie Alaksandr Łukašenka daŭ padčas pravierki ŭzroŭniu prafiesijna-słužbovaj padrychtoŭki aficerskaha składu Uzbrojenych Sił na 230-m ahulnavajskovym Abuz-Lasnoŭskim palihonie.
«Nie stanu asprečvać, što hetaja sistema isnuje, ale toje, što my jaje daŭno nie treśli i nie dapasavali da sučasnaj vajny, heta fakt. Jość u nas prablemy i z terminami navučańnia, prahramami i z vykładčykami, - źviarnuŭ uvahu kiraŭnik dziaržavy. — treba brać vykładčykami padrychtavanych ludziej z častak, kab jany mahli vučyć tamu, što treba na vajnie».
Kiraŭnik dziaržavy padkreśliŭ, što padrychtoŭku vajskovych kadraŭ treba pastajanna prystasoŭvać da sučasnych realij. Heta tyčycca nie tolki vajskovych i vajenizavanych vyšejšych navučalnych ustanoŭ, ale i vajskovych fakultetaŭ u cyvilnych VNU.