Гамяльчанка пазбавілася кватэры за даўгі па пяці крэдытах
За два гады жыхарка абласнога цэнтра аформіла пяць крэдытаў. Ніводны з іх яна не змагла выплаціць. У выніку ўтварылася запазычанасць больш за 58 тысяч рублёў.
Каб пагасіць яе, жанчыне прыйшлося ахвяраваць аднапакаёвай кватэрай па вул. Уладзімірава, піша БелТА.
Судовыя выканаўцы прадалі арыштаваную нерухомасць плошчай 33,8 кв.м на электронных таргах за 54 тыс. рублёў. Атрыманыя сродкі пойдуць на пагашэнне крэдытных даўгоў.
Аднак жанчына не засталася без даху над галавой. У яе ўласнасці — дом у Мільчы пад Гомелем, дзе яна пражывае разам з сям'ёй.
Чытайце таксама:
Збіраюцца пашырыць жыллёвую іпатэку для тых, хто не мае права на дзяржпадтрымку
Памянялі закон аб крэдытных гісторыях. Што зменіцца?
Сацыёлаг Рыгор Астапеня расказаў, як купіў кватэру ў Варшаве і колькі яна каштавала
