СААЗ заявіла аб магчымасці кантраляваць пандэмію
Каранавірусной інфекцыяй можна кіраваць. Такое меркаванне выказаў генеральны дырэктар Сусветнай арганізацыі аховы здароўя (СААЗ) Тэдрас Гебрэесус на брыфінгу 1 лютага, піша РБК.
Ён нагадаў, што колькасць новых выпадкаў COVID-19 ва ўсім свеце зніжаецца ўжо трэці тыдзень запар. І хоць ёсць краіны з ростам захворвання, на глабальным узроўні гэта з'яўляецца абнадзейлівай навіной.
«Гэта дэманструе, што вірусам можна кіраваць нават з улікам пашырэння яго новых варыянтаў. Гэта паказвае, што мы можам прадухіліць інфікаванне і выратаваць жыцці, калі працягнем выконваць ужо правераныя меры па ахове здароўя грамадства», — заявіў Гебрэесус.
Пры гэтым ён нагадаў, што свет ужо сутыкаўся са зніжэннем захворвання на каранавірусную інфекцыю, адзначыўшы, што тады краіны занадта хутка здымалі абмежаванні, а людзі саслаблялі пільнасць.
«Па меры распаўсюджвання вакцын жыццёва важна, каб усе мы працягвалі прымаць меры засцярогі, каб засцерагчы сябе і адно аднаго», — падкрэсліў дырэктар СААЗ.
Раней у студзені дырэктар праграмы СААЗ па надзвычайных сітуацыях у галіне аховы здароўя Майкл Раян заяўляў, што цалкам перамагчы каранавірус будзе вельмі складана.
Ён заявіў, што пакуль чалавецтву ўдалося цалкам выкараніць толькі воспу, а такія хваробы як поліяміэліт і адзёр перамагчы не ўдалося. Тое ж самае можа адбыцца з COVID-19 — яна стане эндэмічнай хваробай.
Раян таксама паведаміў, што перамагчы каранавірус будзе цяжка з-за нераўнамернага распаўсюджвання вакцыны ад яго паміж краінамі. І захворванне працягнецца, калі вакцынацыя не будзе ісці паўсюдна.
28 студзеня СААЗ пацвердзіла, што колькасць хворых на COVID-19 ва ўсім свеце перавысіла адзнаку ў 100 млн чалавек.
