«Выручкі няма, людзям не да рэстаранаў». Бар «Каліноўскі» прадаецца
Бар «Каліноўскі» адкрыўся ў чэрвені мінулага года на тусовачнай Зыбіцкай. Уласнікі рабілі стаўку на аўтарскія настойкі і закускі па рэцэптах сучаснай беларускай кухні. На адкрыццё тады сабраўся ўвесь беларускі бамонд.
На Зыбіцкай адкрыўся новы бар Kalinoŭski. На сценах — цытаты з «Мужыцкай праўды»
«Дранікаў у меню не будзе». Заснавальнік бара «Каліноўскі» пра адносіны з дзяржорганамі, беларускую мову і вясковыя інтэр'еры
Цяпер установа выстаўлена на продаж. Уласнік Аляксей Славута кажа, што прычына — фінансавыя цяжкасці.
«Спачатку каранавірус быў. Потым, калі пачалася такая палітычная сітуацыя, зноў не да бараў-рэстаранаў стала. Апошні месяц людзей амаль не было, мы практычна не працавалі. Выручкі няма. А арэндадаўца адмаўляецца рабіць зніжку», — дзеліцца Аляксей.
«Каліноўскі» прадаецца за 92 тысячы рублёў. Уласнік тлумачыць, што арыентаваўся на кошты на падобныя бары і рэстараны на Зыбіцкай і Рэвалюцыйнай.
«Ужо некалькі чалавек тэлефанавала. Буду шукаць пакупніка, які далей працягне працаваць у такім фармаце. Але невядома, як яно атрымаецца», — кажа Аляксей.
Па яго словах, фінансавыя праблемы цяпер не толькі ў яго. «Думаю, шмат якія ўстановы зачыняцца, бо не перажывуць зіму».
