Украіна змяніла правілы адбору на «Еўрабачанне»: на конкурс можа паехаць толькі той, хто не выступаў у Расіі і Крыме
Ва Украіне змянілі правілы ўдзелу ў нацыянальным адборы на конкурс «Еўрабачанне». Як паведамляе тэлекампанія СТБ, узяць удзел у нацадборы цяпер могуць толькі выканаўцы, якія не гастралявалі ў Расіі, а таксама ў Крыме. Пра гэта піша TUT.BY.
«Цяпер удзельнікам нацыянальнага адбору можа быць выканаўца або калектыў, які не здзяйсняў канцэртнай дзейнасці на тэрыторыі РФ з 2014 года, не плануе і не анансуе такую падчас конкурсу і да фіналу «Еўрабачання», а таксама не заязджаў на тэрыторыю Крыма з парушэннем заканадаўства Украіны. За выяўленыя парушэнні правілаў ўдзельнікі Нацыянальнага адбору могуць быць дыскваліфікаваныя», — паведамляюць арганізатары.
«Еўрабачанне-2019» Украина прапусціла з-за скандалаў падчас нацыянальнага адбору. Спачатку яго пераможца MARUV адмовілася ад удзелу ў конкурсе, заявіўшы, што «не гатовая выступаць з лозунгамі, якія ператвараюць удзел у конкурсе ў прома-акцыі палітыкаў».
Выканаўцы, якія занялі ў нацадборы другое і трэцяе месцы, — Freedom Jazz і Kazka — адхілілі прапанову замяніць MARUV.
У выніку арганізатары прынялі рашэнне «з-за празмернай палітызацыі нацыянальнага адбору» адмовіцца ад удзелу ў конкурсе.