У Расіі на фронт адправілі двух паўлінаў
Ліпецкі заапарк мабілізаваў на фронт вайны з Украінай двух паўлінаў. Птушак перадалі роце 252-га палка ў рамках акцыі «Хто, калі не мы».
Скрын відэа: Медыязона
Заапарк паведаміў, што перадаў птушак для таго, каб яны натхнялі расійскіх салдат, якія ваююць супраць Украіны. На апублікаваным у сацсетках відэа мужчына ў балаклаве заявіў, што для птушак на фронце ўжо будуюць вальер, дзе вайскоўцы змогуць «лавіць духоўнае супакаенне», расказвае «Медыязона».
Аднак неўзабаве пасты пра такі падарунак зніклі з сацсетак заапарка. Аказалася, усё гэта праз негатыўныя каментары пра Уладзіміра Пуціна, якія з'явіліся пад паведамленнямі.
У заапарку назвалі каментатараў «украінскімі ботамі, якія абражалі Уладзіміра Пуціна».
Чытайце таксама:
«Усіх я ў рот **аў, і мараль вашу таксама». Расіяне расказалі, навошта пісалі даносы ў беларускі КДБ
Лідар забайкальскіх бандытаў, якому далі 24 гады турмы, адправіўся на вайну ва Украіну
«Тую вайну перажыла, і гэтую перажываю». 98-гадовая ўкраінка прайшла 10 км, каб пазбегнуць акупацыі
