Apple запусціла тэставую вэб-версію дадатку Apple Music
Амерыканская кампанія Apple запусціла інтэрнэт-сэрвіс Apple Music, паведамляюць інфармагенцтвы.
Пры гэтым на сайце сэрвісу адзначаецца, што ён з'яўляецца тэставай версіяй. Запуск адбыўся ў чацвер, 5 верасня. Паводле Bloomberg, аналагічны дадатак, хутчэй за ўсё, з'явіцца на кампутарах Mac у канцы 2019 года.
Асноўным канкурэнтам Apple Music з'яўляецца Spotify Technology. У 2014 годзе Apple набыла Beats Music, у якой была вэб-версія, аднак кампанія закрыла яго пасля з'яўлення дадатку Apple Music.
У пачатку чэрвеня агенцтва Bloomberg даведалася, што Apple плануе замяніць медыяплэер iTunes, які існуе ўжо амаль 20 гадоў, дадаткамі Music, TV і Podcasts. Кампанія хоча зрабіць свае прылады больш аўтаномнымі.
Apple плануе выпусціць дадаткі для Mac, з дапамогай якіх можна будзе слухаць музыку і падкасты, а таксама глядзець відэа.
