Apple zapuściła testavuju veb-viersiju dadatku Apple Music

Amierykanskaja kampanija Apple zapuściła internet-servis Apple Music, paviedamlajuć infarmahienctvy.

Pry hetym na sajcie servisu adznačajecca, što jon źjaŭlajecca testavaj viersijaj. Zapusk adbyŭsia ŭ čaćvier, 5 vieraśnia. Pavodle Bloomberg, anałahičny dadatak, chutčej za ŭsio, źjavicca na kamputarach Mac u kancy 2019 hoda.

Asnoŭnym kankurentam Apple Music źjaŭlajecca Spotify Technology. U 2014 hodzie Apple nabyła Beats Music, u jakoj była veb-viersija, adnak kampanija zakryła jaho paśla źjaŭleńnia dadatku Apple Music.

U pačatku červienia ahienctva Bloomberg daviedałasia, što Apple płanuje zamianić miedyjapłejer iTunes, jaki isnuje ŭžo amal 20 hadoŭ, dadatkami Music, TV i Podcasts. Kampanija choča zrabić svaje pryłady bolš aŭtanomnymi.

Apple płanuje vypuścić dadatki dla Mac, z dapamohaj jakich možna budzie słuchać muzyku i padkasty, a taksama hladzieć videa.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0