Памятаеце верталёт у колерах дзяржаўнага сцяга? Высветлілася, што яго купіў Гуцэрыеў
airplane-pictures.net
Кампанія «Слаўкалій» падкантрольная расійскаму бізнэсмену Міхаілу Гуцэрыеву з'яўляецца пакупніком элітнага верталёта ў дзяржаўнай ліўрэі, які прыбыў у Мінск 19 лютага. Пра гэта напярэдадні паведамілі тэлеграм-каналы і пацвердзіла Tut.by інфармаваная крыніца.
«Ён вельмі заняты чалавек, для яго дарагі час. Зараз усе сілы кінутыя на будаўніцтва калійнага камбіната», — растлумачыў суразмоўца. Ён пакінуў без адказу пытанне аб магчымасці арэнды лётных машын у некаторых беларускіх бізнэсменаў і афарбоўцы мадэлі ў колеры беларускага дзяржаўнага сцяга.
Міхаіл Гуцэрыеў пакінуў без каментароў інфармацыю аб набыцці верталёта ў Беларусі, паведамілі Tut.by ў яго прэс-службе.
Італьянскі верталёт AgustaWestland AW139, цана на які стартуе ад 12 млн даляраў, 19 лютага прыбыў у Мінск і зрабіў кола над Астрашыцкім гарадком, дзе знаходзіцца адна з рэзідэнцый Аляксандра Лукашэнкі. Ліўрэйная мадэль пафарбавана ў колеры беларускага сцяга.
