У Беларусь даставілі новы верталёт ва ўрадавай ліўрэі ФОТА
Новы верталёт ва ўрадавай ліўрэі дастаўлены ў Беларусь. VIP-мадэль AW139, зробленая італьянскай фірмай AgustaWestland, каштуе ад 12 мільёнаў даляраў, адзначае Еўрарадыё.
Фотаздымак верталёта ў міланскім аэрапорце Мальпенса перад адпраўкай у Беларусь зрабілі 18 лютага спотары — аматары назірання за самалётамі.
AW139 выкарыстоўваецца для эксклюзіўных перавозак. У Расіі, напрыклад, гэтай мадэллю карыстаецца прэм'ер-міністр Дзмітрый Мядзведзеў. У Беларусі ім, хутчэй за ўсё, будзе карыстацца Аляксандр Лукашэнка.
Гэты верталёт можа перавозіць да 15 пасажыраў на вельмі высокай хуткасці (да 309 км/г). У салоне верталёта ёсць кандыцыянер, гарнітуры актыўнага падаўлення шуму, гукаізаляцыя, электрычныя трапы для пасажыраў (левы і правы), шафы, мультымедыя сістэмы з ВК-маніторамі, VIP-перамоўная з сістэмай бяспечнай сувязі.
