Макей: У пагадненні з Расіяй аб узаемным прызнанні візаў знойдзены баланс кампрамісаў
Фота Сяргея Гудзіліна
Пры падрыхтоўцы беларуска-расійскага пагаднення аб узаемным прызнанні візаў бакі здолелі знайсці разумны баланс кампрамісаў. Такое меркаванне журналістам выказаў міністр замежных спраў Беларусі Уладзімір Макей, піша БелТА.
«Гэта баланс кампрамісаў. Розныя варыянты былі, але я лічу, што ў канчатковым выніку дасягнуты прымальны для ўсіх бакоў варыянт», — заявіў міністр.
Паводле яго слоў, для беларускага боку было галоўным, каб грамадзяне трэціх краін маглі бесперашкодна праязджаць сумесную мяжу. «У нас ёсць агульная мяжа ў рамках Саюзнай дзяржавы, яе ахова забяспечваецца надзейным чынам. З'яўляючыся транзітнай дзяржавай, мы вельмі зацікаўлены ў тым, каб наша сумесная мяжа была ня перашкодай, а забяспечвала магчымасць свабоднага перамяшчэння. Нам здаецца, што гэта пагадненне дае такую магчымасць», — сказаў Уладзімір Макей.