Makiej: U pahadnieńni z Rasijaj ab uzajemnym pryznańni vizaŭ znojdzieny bałans kampramisaŭ
Fota Siarhieja Hudzilina
Pry padrychtoŭcy biełaruska-rasijskaha pahadnieńnia ab uzajemnym pryznańni vizaŭ baki zdoleli znajści razumny bałans kampramisaŭ. Takoje mierkavańnie žurnalistam vykazaŭ ministr zamiežnych spraŭ Biełarusi Uładzimir Makiej, piša BiełTA.
«Heta bałans kampramisaŭ. Roznyja varyjanty byli, ale ja liču, što ŭ kančatkovym vyniku dasiahnuty prymalny dla ŭsich bakoŭ varyjant», — zajaviŭ ministr.
Pavodle jaho słoŭ, dla biełaruskaha boku było hałoŭnym, kab hramadzianie trecich krain mahli bieśpieraškodna prajazdžać sumiesnuju miažu. «U nas jość ahulnaja miaža ŭ ramkach Sajuznaj dziaržavy, jaje achova zabiaśpiečvajecca nadziejnym čynam. Źjaŭlajučysia tranzitnaj dziaržavaj, my vielmi zacikaŭleny ŭ tym, kab naša sumiesnaja miaža była nia pieraškodaj, a zabiaśpiečvała mahčymaść svabodnaha pieramiaščeńnia. Nam zdajecca, što heta pahadnieńnie daje takuju mahčymaść», — skazaŭ Uładzimir Makiej.