Business Insider назваў расійскую армію самай моцнай у Еўропе. Беларусь на 17-м месцы
president.gov.by
Выданне Business Insider склала рэйтынг з 25 наймацнейшых армій Еўропы. Першае месца ў ім заняла Расія. Беларусь эксперты паставілі на 17-й пазіцыю, піша tut.by.
Пры складанні рэйтынгу выданне ўлічвала колькасць насельніцтва краіны, колькасць вайскоўцаў, тэхнікі і авіяцыі, а таксама абаронны бюджэт.
Расія з больш чым 3,5 млн вайскоўцаў і бюджэтам у 47 млрд даляраў заняла першае месца. У тройцы лідараў — Францыя з больш чым 388 тыс. вайскоўцаў і 40 млрд даляраў ваеннага бюджэту, а таксама Вялікабрытанія (279 тыс. вайскоўцаў і 50 млрд даляраў).
Беларусь знаходзіцца на 17-м месцы. У нашай краіне, па дадзеных выдання, 401 250 вайскоўцаў, 202 самалёты, 43 знішчальнікі і 515 баявых танкаў. На абарону Беларусь траціць 725 млн даляраў.
Украіна ў рэйтынгу размясцілася на 10-м месцы, а Польшча — на восьмым. Літва і Латвія ў яго не траплялі зусім.
