Business Insider nazvaŭ rasijskuju armiju samaj mocnaj u Jeŭropie. Biełaruś na 17-m miescy
president.gov.by
Vydańnie Business Insider skłała rejtynh z 25 najmacniejšych armij Jeŭropy. Pieršaje miesca ŭ im zaniała Rasija. Biełaruś ekśpierty pastavili na 17-j pazicyju, piša tut.by.
Pry składańni rejtynhu vydańnie ŭličvała kolkaść nasielnictva krainy, kolkaść vajskoŭcaŭ, techniki i avijacyi, a taksama abaronny biudžet.
Rasija z bolš čym 3,5 młn vajskoŭcaŭ i biudžetam u 47 młrd dalaraŭ zaniała pieršaje miesca. U trojcy lidaraŭ — Francyja z bolš čym 388 tys. vajskoŭcaŭ i 40 młrd dalaraŭ vajennaha biudžetu, a taksama Vialikabrytanija (279 tys. vajskoŭcaŭ i 50 młrd dalaraŭ).
Biełaruś znachodzicca na 17-m miescy. U našaj krainie, pa dadzienych vydańnia, 401 250 vajskoŭcaŭ, 202 samaloty, 43 źniščalniki i 515 bajavych tankaŭ. Na abaronu Biełaruś tracić 725 młn dalaraŭ.
Ukraina ŭ rejtynhu raźmiaściłasia na 10-m miescy, a Polšča — na vośmym. Litva i Łatvija ŭ jaho nie traplali zusim.