Экс-кандыдат у прэзідэнты Беларусі ехаў за мяжу з поўным зборам твораў Леніна
Фота Сяргея Гудзіліна
Экс-кандыдат у прэзідэнты Беларусі на выбарах 2010 года і былы палітвязень Алесь Міхалевіч ехаў за мяжу з поўным зборам твораў… Леніна.
Здарылася гэта выпадкова. Як піша ў Facebook жонка Міхалевіча Мілана, у гімназіі на бацькоўскім сходзе абвесцілі, што кожны вучань мусіць здаць па некалькі дзясяткаў кілаграмаў макулатуры. Выручыла бабуля, якая зняла з антрэсоляў поўныя зборы твораў Леніна і Сталіна… Алесь Міхалевіч паклаў іх у багажнік і паабяцаў пасля выхадных завезці у гімназію. Аднак узніклі тэрміновыя справы, і ён паехаў за мяжу. Толькі там ён зразумеў, што кнігі забыўся выгрузіць, і яны засталіся ў багажніку (праўда, кнігі Сталіна падчас перавозкі ў пад’ездзе нехта скраў).
Як піша Мілана Міхалевіч, «кнігазбор» выклікаў у мытнікаў сапраўдны фурор.
