Uber зрабіў рэдызайн свайго лагатыпа

Uber абнавіў дызайн лагатыпа, сайта і мабільных праграм. Замест агульнай чорна-белай палітры кожнай краіне і кожнаму гораду будуць падабраныя індывідуальныя колеры.

Кіраўнік Uber Трэвіс Каланік лічыць, што чорна-белы дызайн сэрвісу быў трохі адасобленым, а новы дадасць чалавечнасці. Праца над новым дызайнам працягвалася два гады. Для выбару колераў і ўзораў у Uber вывучалі нацыянальную архітэктуру, мастацтва, моду і людзей, каб арганічна ўпісацца ў кожную з краін прысутнасці.

Пакуль што пры ўключэнні праграмы кардынальных змен не відаць.

Таксама кампанія выпусціла рэкламны відэаролік, дзе распавядаецца пра новаўвядзенні:

Мікіта Недаверкаў

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0