U Minsku moža być stvorany sumiesny biełaruska-kitajski supierkampjutarny centr

Ab hetym paviedamiŭ hienieralny dyrektar dziaržaŭnaj navukovaj ustanovy «Abjadnany instytut prablem infarmatyki» Nacyjanalnaj akademii navuk Alaksandr Tuzikaŭ 17 vieraśnia na pres-kanfierencyi ŭ Minsku.

Pavodle jaho słoŭ, hety prajekt abmiarkoŭvajecca z kitajskaj karparacyjaj «Inspur», jakaja źjaŭlajecca adnym z najbujniejšych navukova-techničnych padraździaleńniaŭ u halinie supierkampjutarnych technałohij. Jana «nie tolki stvaryła niekalki samych mahutnych u Kitai supierkampjutarnych centraŭ, ale i adzin z supierkampjutaraŭ na svaim kitajskim pracesary, što «šmat značyć u niezaležnaści kitajskich technałohij u hetaj halinie».

«Meta vialikaha prajekta — za košt inviestycyj Kitaja zrabić sumiesnuju raspracoŭku: mahutny centr u lepšym biełaruskim univiersitecie, kab možna było rychtavać kadry, vyrašać sučasnyja daśledčyja zadačy», — adznačyŭ Tuzikaŭ. Pavodle jaho słoŭ, siońnia biez vykarystańnia vysokapradukcyjnych kampjutaraŭ i adpaviednaha prahramnaha zabieśpiačeńnia niemahčyma vyrašać pytańni, źviazanyja z prajektavańniem novych vyrabaŭ, pracesaŭ, stvareńniem novych lekaŭ i inšyja.

Zajaŭka na prajekt padadziena ŭ kamisiju pa handlova-ekanamičnym supracoŭnictvie. «Papiarednie ŭ ramkach navukova-techničnaha supracoŭnictva Biełarusi i Kitaja prajekt, źviazany z hetym vialikim prajektam, padtrymany i ŭklučany ŭ lik prajektaŭ, jakija padlahajuć realizacyi z 2013 hoda», — adznačyŭ pradstaŭnik NAN.

Anastasija Janušeŭskaja, BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0