«Hazprom» kupiŭ adnu z apošnich niezaležnych hazet Rasiei
Jak užo paviedamlałasia, vydaviecki dom «Kommiersant'» kupiŭ źviazany z «Hazpromam» Ališer Usmanaŭ. Hety stalovy mahnat adnačasova kiruje adnym z dačynnych pradpryjemstvaŭ «Hazpromu» – hazavaha manapalista, jaki kantralujecca Kramlom.
Usmanaŭ zapeŭnivaje, što nia budzie mianiać kiraŭnictva hazety. Adnak pa kalidorach vydaviectva chodziać čutki pra mažlivuju źmienu hałoŭnych redaktaraŭ. Jana pavinna była b pryhłušyć niezaležnuju publicystyku hazety, a zaadno i štotydniovika «Vłasť» (taksama ŭłasnaść vydaviectva «Kommiersant'») pierad parlamenckimi vybarami – 2007 h.
»Hazprom» zajaviŭ, što pakupka «'» – pryvatnaja investycyja Usmanava, aliharcha, jaki zajmaje 25-je miesca ŭ śpisie najbahaciejšych rasiejcaŭ (pavodle «Forbs» jon maje $2,6 młrd). Adnak nad hetaj transakcyjaj i tak lažyć kiepskaje imia hazavaha manapalista, jakoje ŭ Rasiei asacyjujecca z «baraćboj za ŚMI», što kolki hadoŭ tamu raspačali ludzi Pucina. «Hazprom» (i zaležnaje ad jaho pradpryjemstva «Hazprommedyja») palityčna neŭtralizavaŭ telekanał NTV, a taksama pieraŭtvaryŭ kuplenyja ŭ 2005 h. «Iźviestija» – lidera hramadzkaj dumki – u hazetu, što ŭnikaje niavyhadnych prezydentu temaŭ.
Na pohlad šmat jakich rasiejskich demakrataŭ Usmanaŭ budzie vymušany kłapacicca pra intaresy Kramla, kab paźbiehnuć prablemaŭ u biznesie i nia stracić vyhadnuju pasadu ŭ «Hazpromie». – Heta čarhovy etap manapalizacyi medyjaŭ uładaj – kamentavaŭ učora kiraŭnik Rasiejskaha sajuza žurnalistaŭ Ihar Jakavienka.
Kantrol Kramla nad presaj pry dapamozie finansavych uździejańniaŭ i ŭcisku ŭ biznesie na uładalnikaŭ hazet źjaŭlajecca adnoj z hałoŭnych formaŭ padaŭleńnia svabody słova, jakoje było padviehnuta rezkaj krytycy ŭ červieni na kanhresie Suśvietnaha Kanhresu Hazet (WAN) u Maskvie. – Žadaju Usmanavu, kab u jaho atrymałasia zachavać realnuju niezaležnaść «Kamersanta» ad ułady. Adnak ja, kab harantavać hetuju niezaležnaść, byŭ vymušany źjechać z Rasiei – zajaviŭ učora Barys Bierazoŭski, daŭni pamahaty prezydenta Barysa Jelcyna, jaki ciapier chavajecca ad pucinaŭskich prakuroraŭ u Vialikaj Brytanii.
Bierazoŭski pazbaviŭsia hazety na pačatku hetaha hoda, bo – jak jon tłumačyć – u advarotnym vypadku hazeta stała b achviaraj palityčnaj pomsty Kramla nienavisnamu aliharchu.
Redakcyi hazety zastajecca spadziavacca, što jaje čakaje los radyjostancyi «Echo Moskvy», jakaja – chacia jaje kolki hadoŭ tamu taksama pieraniaŭ «Hazprom» – zastałasia prystankam niezaležnaj žurnalistyki. Niavyklučana, što i ŭ vypadku z «'» Kreml zadavolicca harantyjami, što hazeta, jakuju čytajuć biznesmeny, nie pieraŭtvorycca padčas vybaraŭ u hołas antykramloŭskaj apazycyi.
Kreml zhadžajecca ź isnavańniem niekalkich medyjalnych «fihavych listkoŭ» (jak «Echo Moskvy»), bo jon usio jašče zacikaŭleny ŭ reputacyi na Zachadzie i siarod častki rasiejskich elitaŭ. Aprača taho, kremloŭskija palittechnolahi vierać hałoŭnym čynam u moc padparadkavanaj im televizii, a nie hazet, jakija čytaje adnosna niašmat rasiejcaŭ.
U 1999 h. Bierazoŭski i jaho partnior u intaresach Badry Patarkacyšvili, jaki ŭ hetym hodzie pieraniaŭ vydaviectva, kupili «Kommiersant'» za 26 młn dalaraŭ. Usmanaŭ pavinien vykłaści kala 200 młn dalaraŭ.
