Łukašenka vučyŭ žurnalistaŭ irvać lon
Siońnia Alaksandr Łukašenka naviedaŭ vytvorčaje ŭnitarnaje pradpryjemstva «Vuście» NAN Biełarusi ŭ Aršanskim rajonie. Haspadarka śpiecyjalizujecca na vyroščvańni lonu i narychtoŭcy nasieńnia. Tut pad nahladam navukoŭcaŭ-śpiecyjalistaŭ apraboŭvajucca najlepšyja praktyki i najbolš pieradavyja technałohii pa vyroščvańniu hetaj kultury, piša BiełTA.
Łukašenka pryjechaŭ na pole ź lonam, kab asabista zanurycca va ŭsie technałahičnyja pracesy i razabracca z tym, čaho nie chapaje, kab vyroščvańnie lonu było dastatkova efiektyŭnym i prynosiła dobryja prybytki dziaržavie.
«Pa lonie my damovilisia. Ja jašče raz pahladžu, što było daručana raniej, pačynajučy ad vyroščvańnia i zakančvajučy ilnokambinatam. A to jany buduć chadzić, usio hrošy prasić. Siońnia kali pravilna apracoŭvać pa technałohijach lon - jon rentabielny», - padkreśliŭ biełaruski lidar. Dyrektar Instytuta lonu NAN Biełarusi Ivan Hołub dałažyŭ kiraŭniku dziaržavy, što rentabielnaść vytvorčaści lonu dachodzić da 70%. «U najlepšyja časy nafta takuju rentabielnaść davała. I jany chodziać jašče, prosiać, — adznačyŭ Łukašenka. - Kali my navučym haspadarki siejać i voś takim čynam apracoŭvać lon, jany sami buduć u hetym zacikaŭlenyja».
Alaksandr Łukašenka padzialiŭsia ŭspaminami, kali, jak kiraŭnik haspadarki, pryjazdžaŭ pierajmać pieradavy vopyt. «Vy (navukoŭcy) nas vučyli. Ja ŭpitvaŭ heta, a 90% chvihu u kišeni trymali, - skazaŭ kiraŭnik dziaržavy. - Čamu ja vam pieradavaŭ haspadarku, kab vučony pakazaŭ u pole vynik, a nie na dzialanačcy».
Łukašenka jašče raz akcentavaŭ uvahu na nieabchodnaści vypracavać dakładnuju sistemu padrychtoŭki kadraŭ u lnavodčaj halinie i kantrolu za jakaściu rabot na ŭsich etapach. «Ty pavinien kiravać stalinskimi mietadami. Skazaŭ - zrabili», - adznačyŭ jon, źviartajučysia da Ivana Hołuba.
Zakranajučy pytańnie techniki, Alaksandr Łukašenka pacikaviŭsia, kolki jašče nieabchodna śpiecyjalizavanych kambajnaŭ dla ŭborki lonu. Jak vyśvietliłasia, kala 40 mašyn ahulnym koštam kala $ 8 młn. «Značyć, treba znajści $10 młn, kupić kambajny i skončyć razmovy pra cierableńnie lonu. Stvaraj kamisiju, pravodźcie tendar. Čym bolšy abjom, tym tańniej», — skazaŭ prezident na adras vice-premjera Michaiła Rusaha.
Kiraŭnik dziaržavy aznajomiŭsia z technałahičnym pracesam pracy kambajna na poli, i, pavodle ŭžo isnujučaj tradycyi, prapanavaŭ supravadžajučym, u tym liku pradstaŭnikam ŚMI, pavučycca ŭborcy lonu ŭručnuju, jak heta rabili raniej.
