U Rasii pradajuć «limuzin Jelcyna» za $334 tysiačy
Braniravany limuzin Mercedes-Benz S-klasse Trasco Bremen, na jakim pieršy prezident Rasiei Barys Jelcyn vyjazdžaŭ na aficyjnyja i asabistyja sustrečy, pradajuć u Pieciarburhu za 19,7 miljonaŭ rubloŭ (kala $ 334 tys.).
Pra heta TASS raspavioŭ pradstaŭnik aŭtasałona, jaki pradaje mašynu.
Mercedes-Benz S-klasse Trasco Bremen. Ilustracyjnaje fota.
Adpaviednaja abjava raniej źjaviłasia na adnym z sajtaŭ pa prodažy aŭtamabilaŭ. «Na aŭtamabili z kiroŭcam jeździŭ Barys Jelcyn. Da nas jaho pryvioz deputat Dziarždumy z haraža śpiecpryznačeńnia Canu ličym adekvatnaj i pakul nie płanujem padymać», - rastłumačyŭ surazmoŭca ahienctva i dadaŭ, što limuzin znachodzicca «ŭ vielmi dobrym stanie»: jon «nie bity», a prabieh składaje ŭsiaho 60 tys. km. Limuzin zrabili na śpieczamovu.
Praŭda, pradstaŭniki «Jelcyn-centra», jaki apiakujecca spadčynaj pieršaha prezidenta Rasii, nie zmahli paćvierdzić, što mienavita hety limuzin naležaŭ Jelcynu. Maŭlaŭ, haraž vialiki, śpiecdaśledavańni, chto na čym jeździŭ, nie pravodzilisia.