Minpracy: «minimałku», stypiendyi i dapamohi pa biespracoŭi za lipień indeksavać nie buduć
Indeks spažyvieckich cen za lipień nie pieravysiŭ piacipracentnaha paroha da miesiaca pierahladu - da studzienia hetaha hoda. Tamu minimalnuju zarpłatu i hrašovyja prybytki nasielnictva nie buduć indeksavać, paviedamili ŭ Ministerstvie pracy i sacyjalnaj abarony.
Za lipień nie buduć indeksavać zarobki dziaržsłužačych i pryraŭnavanych da ich asob, dapamohi pa biespracoŭi, stypiendyi navučencam, stypiendyi kliničnym ardynataram, stypiendyi rabotnikam, jakich nakiravali na pavyšeńnie kvalifikacyi, pierapadrychtoŭku, stažyroŭku ŭ vočnaj (dzionnaj) formie navučańnia ŭ inšy nasieleny punkt.
Hrašovaje zabieśpiačeńnie vajennasłužačych, asob radavoha i načalnickaha składu, a taksama vajennasłužačych terminovaj vajskovaj słužby, suvoraŭcaŭ, vychavancaŭ voinskich čaściej, kursantaŭ vajskovych navučalnych ustanoŭ taksama nie buduć indeksavać.
Minimalnaja zarpłata, ustalavanaja z 1 studzienia ŭ pamiery 265 rubloŭ, za lipień taksama nie indeksujecca.
Nasielnictvu, jakoje atrymlivaje prybytki na terytoryi Respubliki Biełaruś ź inšych krynic, kampiensacyja strat ad inflacyi ažyćciaŭlajecca pa padstavach, praduhledžanych kalektyŭnymi damovami (pahadnieńniami).
Hrašovyja prybytki nasielnictva za lipień 2017 h., jakija padlahajuć indeksacyi ŭ adpaviednaści z zakanadaŭstvam, indeksujucca ŭ miežach 197 rubloŭ 57 kapiejek.