Milicyja zaklikaje paviedamlać praź internet pra piedafiłaŭ i fakty handlu narkotykami
Prajekt pad nazvaj #Narkakantrol stvorany Hałoŭnym ŭpraŭleńniem pa narkakantroli i supraćdziejańni handlu ludźmi MUS Respubliki Biełaruś sumiesna z HUUS Minharvykankama.
Stvaralniki prajekta zaklikajuć nakiroŭvać paviedamleńni na elektronny adras [email protected], albo pakidać na sajcie interniet-prajekta «Pierachop» z pamietkaj #Narkakantrol, paviedamlaje pres-słužba MUS.
Prymajucca nastupnyja paviedamleńni:
— pra viadomyja vam faktach vyrabu, realizacyi i zachoŭvańnia narkatyčnych rečyvaŭ i prekursoraŭ;
— pra asob, jakija dapuskajuć niemiedycynskaje ŭžyvańnie narkatyčnych rečyvaŭ;
— pra supołki ŭ internecie, jakija rekłamujuć prodaž narkatyčnych rečyvaŭ albo schilajucca da ich ŭžyvańnia.
Akramia taho, u ramach prajekta vy možacie nakiroŭvać usiu infarmacyju pra złačynstvy ŭ śfiery maralnaści i handlu ludźmi.
Taksama možacie paviedamić infarmacyju, kali dzieciam ci padletkam pahražaje niebiaśpieka sutyknucca ź piedafiłam.
«Usie vašyja zvaroty buduć vyvučacca supracoŭnikami padraździaleńniaŭ narkakantrolu. Pra vyniki pryniaćcia mier da parušalnikaŭ zakona my budziem infarmavać vas praz srodki masavaj infarmacyi», — zajavili ŭ pres-słužbie MUS.
